N’pára, n’ozerba, n’odja kuadru ki nhu pinta

N’odja pó, n’odja pilon

Na baxu sonbra pé di polon

Ta pila midju pa loron

Nhô nu ka pintor pinton

Odja modi ki dja nhu pinta nôs téra

Ku kôr di Diós filiz

Num dia dimingu di páscua

Pincel di nhô é pintador

É pinta mar, nôs mar ta txobi

Na kor di antil’manxi

Sima téra di Kamoni

Ki sol é na pustal, ku tilivison

Na kuadru ki nhu pinta

N’odja kor di padja midju…midju nobu

Kor di atun na beral’mar

Inda sangui kenti

Kor di midju, bentedu tra farelu Tentedu tra farinha, subidu tra kuskus Kenti,kenti…fuma ta baza

Na kuadru nhô ten kor di lumi spinhu pretu

Téra brufadu ki restu d’águ tina bati

Di rotxa nu, ó ki falta d’águ

Kor di sodadi, ki ka ta da pa odjadu