Tud mar dêsse mund

tem um nome cunchid

ma êsse di meu sê nome

só mim é q’sabel

Ora q’temporal ta parcê

na horizonte

um tem um port

q’ta protêge-me

Tud quem qui crê

conchê sê nome

um ta guardal

ao menes êsse é nha direit

Mesme qui um nôme

é só palavra

nada más do qui um nome

Má tem segred

q’é só pa um

sima tem segred

q’pa dôs é d’más

Agora q’nha voz

é uvid um pouco

más um ta guardá nha alma

d’tude aquês q’ta rudiáme

e q’ta escondê pa trás dum máscra

D’stine um ca ta crê na d’stine

só amor ta companhame

na nha caminhe

e na cantál

nome d’nha mar t’uvid

só pa quem q’ta creditá na poesia

Má tem segrêd

q’é só pa um

sima tem segrêd

q’pa dôs é d’más