Jóia de nha vida

Bô ca conchê nha ansiedade

Nha sofrimento

Ê mute más grande q’imensidade

De universo e tud sês mar que ta rodeam’

Nha espírito cansado sem refúgio, sem guarida

De um peto de crióla

Sem doce ternura de bô amor

Nhas odjos magoados

Ta tchorá cheio di dôr

Fé na Jesus tempo ta passá m’ ta voltá

Tud êss sodade ta trasformá em poesia

Brisa na espaço ta soprá más leve

Ondas na oceano ta squebrá más suave

Até céu de nôs terra

Ta voltá um tom mais claro

Na momento que nôs dôs ta encontrá

Num bejo moroso di regresso