B.Leza morrê el ca dixám sucessor

Cabo Verde intêro ta sofrê

Co sê coraçom cheio di dor

Ta tchorá sê poeta qui morrê

Bronze ta tchorá co tristeza

Melodia qui sês cordas perdê

Quem tava dal êl era era sô B.Leza

Ma pa eternidade el disaparcê

El era pa nôs um poeta di amor

Sê morte balá tcheu coração

Hom’ popular compositor

B.Leza nôs eterna recordação

Deus na paraíso ta conservá

Sê alma caboverdiana na sê seio

Pa eternidade nô ta rezá

Pa sê discanso lá na céu