(1984)

Dtchál em paz ma sê balói

Dtchál quitim

Êl ê sê missão

Êl ca tem vida largóde nem folgóde

Dtchál trofegá q’sê balói

Êl ê mãe de fidje

Lá que ta sê ricurse

Ta criá fidje sem pai

Ta conchê mal destino

Debóxe de graça de Deus

Se bô otchál na esquina

Ô debóxe dum pê de móte

Poste sê venda na respeite

Ta (cata sê pão?) ganhá quel pão de cada dia

Dál um força

Ca bô magoál ca bô injuriál

Êl ê mãe de fidje

Mãe sofredora

Irmã de nôs tude