Oras ki n’odja,nha guentis ta txiga

Ku fexu di midju,pamódi txuba txobi

Si n’djobi la pa riba,n’odja cinza invadi azul

Sima cor di palmanhan,pamódi txuba txobi

Nha Lili di Xinoi D’uzorgu,txiga  na porta na kasa

Ku pé bipu papalama,pamódi txuba txobi

Txeia na rubera,águ ta kai di tedja Pála

Aguinaldo sen kamiza,pamódi txuba txobi

Berdi, berdi, berdi…Sima berdi padja midju

Kau bira berdi…Sima nomi ki Tuga danu

N’bá bárci nhu Djorsi,n’ta un fotu, n’manda Lisboa

Kumpá Simedu dja txoman pa tilifoni

N’sai ta kori pa n’bá tenti tilifoni

N’kai tubuku dentu d’águ,n’sai modjadu solopadu Burgonha dan n’boita pa trás,koren xintidu, n’txoma Bitu Da un skarera kasa Djon,bu bá buscan kel nobidadi

Di nha Kumpá, kumpá Simedu