Bem !..

Câ bô tem mêde bem vivê

Câ bô tem mêde bem amà

Nesse munde nôs tudo tem d’sofrê

Pa um amôr,

S’êl ta merecê

Ca ê pecôde, ca ê crime

Amá alguém tê morrê !…

Bem !..

Bem confessa-me bô amôr

Bem leviá êsse bô dôr

Qu’tita mato-be sem pô mon

Dôr di amôr,

Dôr sem dôr

Pa um alguém qu’infelizmente

Ta d’sconhecê bô valor …

Vida tem surpresa

Vida tem tristeza

Vida tem um sô vida

Pa nôs tude criatura

Bem vivê

Sem margura …

Bem !..

Câ bô tchorá bem conta-me

Câ bô d’zanimá bem esperá

Bô sofrimente tem d’cabá

Daquêl amôr,

Qu’levô-be tude bô calôr

Pa um alguèm qu’infelizmente

Ta d’sconhecê bô valor !..

Infeliz alguém qu’ca sabê, amà

Triste aquêl qu’ca sabê, perdoà!..