TOM : D

Um mister m’ crê descubri

 Q’ta levam a canta bôs segred

 Revelod na boca e na ternura

E formosura de bôs gente

Mindel um mãe Sofredora

Que sorriso na rosto

um viuva alegre e esperançosa. 1x 

Que ta faze nôs acredita

Que sô vra oi pa bô baía

Mar ta leva angústia pa longe

E trazê ligria pa perto

Bô ê cidade mas cantód na mundo

E que também t’ encanta ess universo

Pa tud conte dess “street”

Tem sinal d’bô grandeza

Cidade d´alma  grande

E aldeia de nôs morna

Bô realidade era mas dura

Sem bô personalidade

Tud hora ta inventá um manera

 E um oportunidade de vivê

Bô conquista nhor Deus

Bô pari monte Cara

Bô ê rainha dess nome cabo verde

Qu’ ta fazê nôs viaja

Na nôs fantasia

E que tristeza d’aonte

Ê alegria d’aoje.