Djam crê fazêbo um serenata

Moda de quês tempo antigo

Djam crê contabo sem lata

Sem falso sorriso

tudo q’um sta xinti pa bô

Djam crê um violão ness madrugada

Pam cantabo morna de bedjo

Mas ê pena qu’êss rua ta frio e sô neve

Tambêm ê pena q’bô ta mora na 3º andar

M’pensa usa telefone

Mas des djêto também m’ c’atcha drêtu

Um crê encarabo pam contabo

Tudo que m’ sta xinti na nha peito

Prumeru um crê flabo

Ma um crê um amor sem rival

Que nêss triste mundo de hoje

Nô mas ê amor comercial

Djam crê dabo tudo nha lealdade

M’ ca crê recebe falsidade

Por isso um crê fazêbo um serenata

Que tem valor mas que oro e prata